Në një dalje për media peshëngritësit e Federatës Shqiptare të Peshëngritjes, kanë reaguar ashpër ndaj skandalit pasi sportistët kanë dalë me doping. Ata kanë reaguar menjëherë pas dorëheqës që dha një ditë më parë presidenti i Federatës Shqiptare të Peshëngritjes, Elez Gjoza, duke kërkuar zgjedhje të reja.
Një grup personash përfshirë, profesionistë, sportistë dhe trajnerë kanë dalë në shenjë protestë ku kanë reaguar duke u shprehur se “sporti i peshëngritjes në Shqipëri është copë-copë. Po humbasim sportistë gjigantë si Daniel Godelli”.
Presidenti i Federatës Shqiptare të Peshëngritjes, Elez Gjozaj ka dhënë dorëheqjen nga ky post. Kryesia ka zgjedhur Gudar Beqirajn si president të përkohshëm të FSHP-së.
Kjo dorëheqje ka ardhur pas skandaleve të dopingut, ku Romela Begaj shkëlqeu në Botërorin e Anahajmit në Kaliforni, duke fituar titullin në shkëputje, ndërsa doli nënkampione në dygarësh. Ky ishte dhe rezultati më i mirë i marrë ndonjëherë nga një peshëngritës kuqezi.
