Policia e Kosovës ka arrestuar pesë persona, pasi u kapën duke fotografuar votën.
Personat që ranë në pranga janë nga rajoni i Prizrenit dhe Mitrovicës së Veriut.
Në një prononcim për gazetën “Telegraf”, zëdhënësi i Policisë për rajonin e Prizrenit, Vesel Gashi, deklaroi se personat e ndaluar janë dërguar në mbajtje me vendim të prokurorit.
“Në rajonin e Prizrenit kemi katër persona të arrestuar, tre në Prizren, një në Mamushë, nën dyshimin se të njëjtit kanë bërë fotografimin e votës pas veprimit.
Të gjitha veprimet janë marr me Prokurorin e Shtetit dhe të njëjtit me vendim të prokurorit janë ndaluar”, pohoi Gashi.
