Personi i parë i kuruar nga virusi HIV, Timothy Ray Brown, ka humbur jetën nga kanceri.
54-vjeçari u shërua më shumë se një dekadë më parë, me një transplant të palcës së kockave nga një dhurues që ishte natyrshëm rezistent ndaj HIV-it.
Brown, i cili ka lindur në SHBA u diagnostikua me HIV gjatë kohës që ishte duke jetuar në Berlin, në vitin 1995. Ndërsa, në vitin 2007 ai u diagnostikua me një lloj kanceri në gjak, të quajtur leukemi akute mieloide.
“Me trishtim të madh ju njoftoj se Timothy vdiq i rrethuar nga unë dhe miqtë, pas një beteje pesë mujore me leukeminë”, shkroi partneri i tij, Tim Hoeffgen, në Facebook.
