Policia e Shtetit, forcat RENEA dhe FNSH-ja, zbarkuan dy ditë më parë në qytetin e Vlorës. Ata bënë kontrolle të imtësishme në hyrje dhe dalje të qytetit.
Vëniea në lëvizje e forcave e sigurisë, vjen pasi në Shqipëri është rritur numri i peronave që rezultojnë të zhdukur.
Nga të dhënat thuhet se janë 30 të zhdukur në gjithë vendin. Sipas autoriteteve ky numër i lartë i personave të zhdukur, i përket harkut kohor të muajve të fundit.
Por, duke iu referuar policisë numri më i lartë i të zhdukurve rezulton në qytetin e Vlorës. Në këtë drejtim, Policia e Shtetit po përballet më një fenomen të ri kriminal.
Formë e re krimi
Zhdukja e kundërshtarit ose rivalit nga bandat është krim më i pastër sesa vrasja apo edhe atentat mafioze. Kjo është një formë krimi, më e seksesshme që po përdorur nga grupet krimine.
Mund të thuhet se kjo teknikë, tashmë po lë pas shumë metoda të tjera ekzekutuese. Kjo, po ia kalon edhe ekzekutimeve me anë të bombave me telekomandë që u kulmoi para pak vitesh.
“Zhdukja e personit është krim më i pastër, nuk ka vend ngjarje, nuk ka prova, gëzhoja, njolla gjaku etj”, tha një ekspert policie për Tirana Today.
Sa duket, përballë rritjes së aftësisë së policisë për të hetuar një ngjarje klasike kriminale me metoda shkencore bashkëkohore dhe rezultateve pozitive, krimi ka ndryshuar taktikë. Tashmë grupet e organizuara janë duke shkuar drejt forme edhe më të sofistikuar – zhdukjes pa gjurmë të kundërshtarëve.
Qyteti i dytë më i prekur pas Vlorës, është Shkodra me të paktën dy të zhdukur të konfirmuar.
Problemet duket se vijnë nga kultivimi i kanabisit në sasi të mëdha në vitin 2016 dhe trafikimi i kësaj lënde narkotike gjatë viteve në vijim. Kapja nga policia Italiane dhe ajo shqiptare e sasive të mëdha të lëndëve narkotike fakton situatën e rëndë, dhe njëkohësisht provokon përçarje në grupet kriminel ku përgjegjësit për humbjen e sasisë së drogës vihen përpara akuzave të grupit kriminal. E për pasojë, sipas policisë, kemi shfaqjen e këtij lloji krimi të sofistikuar. Pra, anëtarët e të njëjtit grup kriminal godasin me anë të zhdukjes personin që ata bëjnë përgjegjës për kapjen e sasisë së drogës.
Pra, sipas eksperteve të policisë disa nga personat e zhdukur janë pjesë e segmentit të thyer të trafikut, që do të thotë se kanë dështuar në garancinë që i kanë dhënë grupit kriminal për pjesën e marrë përsipër prej tyre, si për shembull dërgimi me skaf apo gomone i sasisë se kanabisit ne Itali etj./TIRANA TODAY/
