450 kg mish pule janë sekuestruar nga policia e Tiranës, ndërsa një person është vënë në pranga. Specialistët e Seksionit për Hetimin e Krimeve Ekonomike dhe Financiare, pas informacioneve të siguruara se në një magazinë, në rrugën “Myslym Keta” një shtetas përpunonte dhe tregtonte mish, pa u regjistruar në organet kompetente, menjëherë kanë ushtruar kontroll në ambientet e magazinës.
Nga kontrolli i ushtruar ka rezultuar se shtetasi B. H., banues në Tiranë, përpunonte dhe tregtonte mish në magazinën e tij në rrugën “Myslym Keta”, jashtë të gjitha kushteve higjeno-sanitare.
Në vijim të veprimeve, u bë arrestimi në flagrancë i shtetasit B. H., 52 vjeç.
Njoftimi:
Ushtronte aktivitetin e përpunimit dhe të tregtimit të mishit, në një magazinë, duke mos zbatuar kushtet higjeno-sanitare, vihet në pranga 52-vjeçari.
Sekuestrohen rreth 450 kg mish pule. Specialistët e Seksionit për Hetimin e Krimeve Ekonomike dhe Financiare, në vijim të punës për goditjen e paligjshmërive, pas informacioneve të siguruara se në një magazinë, në rrugën “Myslym Keta”, një shtetas përpunonte dhe tregtonte mish, pa u regjistruar në organet kompetente, menjëherë kanë organizuar punën dhe kanë ushtruar kontroll në ambientet e magazinës.
Nga kontrolli i ushtruar dhe nga verifikimet e kryera ka rezultuar se shtetasi B. H., banues në Tiranë, përpunonte dhe tregtonte mish, në magazinën e tij, në rrugën “Myslym Keta”, jashtë të gjitha kushteve higjeno-sanitare.
Në vijim të veprimeve u bë arrestimi në flagrancë i shtetasit B. H., 52 vjeç, për veprat penale “Prodhimi dhe shitja e ushqimeve dhe e lëndëve të tjera të rrezikshme për shëndetin”, “Mashtrimi me produktet ushqimore” dhe “Fshehja e të ardhurave”. Në cilësinë e provës materiale u sekuestruan rreth 450 kg mish pule. Materialet i kaluan Prokurorisë, për veprime të mëtejshme procedurale.
