Gjatë mbrëmjes së sotme, protestues të shumtë nga ana e opozitës janë grumbulluar pranë shkollës “Shejnaze Juka” në Shkodër, ku ndodhen materialet zgjedhore për qarkun të dorëzuara nga Komisioni Qendror i Zgjedhjeve.
Protestuesit të rebeluar kanë thyer xhamat e shkollës, dhe kanë tentuar t’i vënë flakën.
Rreth orës 20:00, administrata e Bashkisë së këtij qyteti ka zbarkuar në KZAZ numër 2. Forca të shumta policie kanë qëndruar përpara portës kryesore të Pallatit të Sportit.
Më pas rreth orës 20:16, mbështetës të Partisë Demokratike u nisën drejt një qendre votimi, ku kishin mbërritur materialet zgjedhore nga KQZ. Bëhet fjalë për shkollën “Shejnaze Juka”. Nuk munguan edhe përplasjet me policinë. Qytetarët u futën me forcë brenda shkollës.
