Katër persona mbetën të plagosur mbrëmjen e sotme gjatë një konflikti me armë në kryeqytet. Ngjarja ka ndodhur rreth orës 18:40 në rrugën “Gjergj Legisi” në Laprakë, pas një konflikti në një lokal. Një prej të plagosurve është shtetasi Elion Lika 31 vjeç, ndërsa për tre personat e tjerë policia jep vetëm inicialet, përkatësisht B. M., 31 vjeç, B. K., 33 vjeç, dhe A. B., 46 vjeç.
Katër shtetasit e plagosur janë dërguar me urgjencë në spitalin e Traumës për ndihmë mjekësore nga ku mësohet se ndodhen jashtë rrezikut për jetën. Policia ka indentifikuar autorin e dyshuar të plagosjes së katërfishtë, që është shtetasi Arben Seferi. Ky i fundit është larguar nga vendi i ngjarjes. Policia ka ushtruar kontrolle në lokalin e Seferit në rrugën “Gjergj Legisi” por nuk e ka gjetur aty. Nga uniformat blu vijojnë kërkimet për hapjen e tij.
