E ndërsa Ministri i Jashtëm i vendit tonë Ditmir Bushati dhe homologu i tij grek Nikolla Kotzias, janë takuar për dy ditë duke zhvilluar bisedime me dyer të mbyllura në Kretë, mediat aje kanë shkruar lidhur me këtë takim. Ato shkruajë se ministri Kotzias po ndërmerr një hap të rrezikshëm nëse do të pranonte kushtet e Shqipërisë, pasi Athina ka shkuar pa asnjë kusht në takim. Ndërsa nga ana tjetër ata shprehen se Greqia do të bënte gabim nëse do të njihte anëtarësimin e Shqipërisë në BE, pasi në tekstet shkollore të nxënësve shqiptarë u flitet për idenë e Shqipërisë së Madhe.
“Gjithashtu, nuk ka mjete për të vendosur debatin për hapjen e negociatave për anëtarësim, ku Shqipëria ende në librat shkollorë po i mëson brezit e ri vizionin e Shqipërisë së Madhe që do të përfshijë territorin e Malit të Zi, Bosnjë, Maqedoni dhe Serbi të gjithë Epirin grek për Prevezën dhe Arta dhe Maqedoninë Perëndimore nga Follorian dhe Grevena në Kastoria”, shkruhet në artikull.
Tirana luan e sigurt ndaj Greqisë
Më tej ata vënë përpara përgjegjësisë autoritete greke lidhur me politikën që po ndjek Tirana zyrtare.
“Jo vetëm që është papërgjegjësia e vendit tonë, por sfida e plotë ndaj status quos në Ballkan, e cila nuk është vetëm për Athinën. Këtu del paaftësia ose ndoshta mungesa e largpamësisë së politikës së jashtme të Greqisë, edhe nëse mbështet dhënien e statusit të vendit kandidat të Shqipërisë, nuk është një lëvizje që sjell për zgjidhjen e problemeve në nivel bilateral dhe rajonal . Tirana investon në faktin se Greqia nuk mund të përballojë politikisht, vendosjen e vetos për Ballkanin, pas Maqedonisë dhe mosnjohjen e Kosovës dhe kështu beson se është duke luajtur e sigurt”, shkruhet më tej në artikull.(Tirana Today)
