Përplasja Zidane-Materazzi, flet për herë të parë arbitri që ndëshkoi francezin

Puna e arbitrit në disa ndeshje bëhet mjaft e ndërlikuar, pasi vendimet që duhet të marrë në një kohë rekord mund të mbeten në histori. Dhe kështu ka ndodhur me Horacio Elizondo, arbitrin e ndeshjes Itali-Francë e cila do të mbahet mend gjatë për atë episod të shëmtuar mes XZidane dhe Materazzit. Ishte Botërori i viti 2006 dhe Zinedine Zidane luante ndeshjet e fundit të karrierës me kombëtaren dhe e mbylli në mënyrën më të keqe të mundshme.“Çfarë i tha Materrazi Zidane? Nuk arrita të marr vesh kurrë, sepse ishte asistenti Medina Catalejo që më njoftoi, por më sa duket ka qenë për motrën. Futbollistët në fushë thonë shumë gjëra. Padyshim që diçka ka ndodhur me Zidane. Kur dikush është i ngarkuar me shumë gjëra dhe nuk arrin ti mbajë të gjitha, mund të reagojë në mënyrën më të çmendur në botë. Zidane është person i shkëlqyer dhe unë jam takuar sërish me të, por nuk kemi folur kurrë për atë epidod. Ishte futbollisti më i mirë në botë ajo ndeshje ishte finalja e karrierës së tij. Nuk besoj se do ketë futbollist tjetër që do të mbyllë karrierën në atë mënyrë”, tha Elizondo.A ndjeve keqardhje kur e nxore nga fusha? Në atë moment aspak, pasi ti je i përqendruar të marrësh vendimet më të mira. Por kur mbaroi ndeshja dhe shihja Zidane që largohej nga fusha, ndërsa kupa ishte afër tij, dhe ai që as nuk e pa, më erdhi keq për atë që ishte. E kuptoj sa e vështirë ka qenë për të. Diçka e pandërgjegjshme e nxori jashtë loje”, tregon Horacio Elizondo ish-arbitri argjentinas.Po Materazzi, a je takuar me të? Po në vitin 2009. Isha tërhequr në atë kohë, por më thirrën për të arbitruar ndeshjen miqtë e Messit kundër miqve të Ronaldinhos, në Panama. Isha në dhomat e zhveshjes dhe mu duk sikur u rrëzua porta. Ishte Materazzi. “Si je, jam Materazzi” u prezantua, sikur të ishte shumë e nevojshme dhe më rroku përqafe. Më kërkoi që ti bëja një ndeshje, pothuaj me lutje. Ishte e tëra familja e tij që priste jashtë dhe unë isha të mes të familjes Materazzi.”