Pas përplasjes masive të banorëve të Astirit, mësohet në mënyrë zyrtare se IKMT do të prishë 33 objekte. Bëhet me dije se prej orëve të para të ditës, IKMT ka nisur prishjen e 33 objekteve ne zonën e Astirit. Aktualisht janë prishur 24 objekte, prej të cilave 8 objekte 2 katëshe, 4 tre katëshe dhe 12 një katëshe.
Pas përplasjes në orët e para të mëngjesit, situata u qetësua dhe Inspektoriati vijoi me prishjen e 33 objekteve. Shembja e objekteve i hap rrugë ndërtimit të nënkalimit tek sheshi “Shqiponja”, një nyje që pritet të lirojë trafikun në kryeqytet.
Nga 33 objektet që do të shemben, 21 prej tyre janë shpronësuar. Ndërsa pjesa tjetër është skualifikuar nga procesi i legalizimit. Për pronarët e objekteve pa leje, Bashkia e Tiranës ka ofruar bonus qiraje për 3 vite, ose banesa sociale. Por kjo ofertë është refuzuar prej tyre.
Njoftimi zyrtar
IKMT: Të 33 objektet do të prishen sot
Prej mëngjesit te sotëm IKMT ka nisur prishjen e 33 objekteve ne zonën e “Astir”. Deri në këto momente janë prishur 24 objekte, prej të cilave 8 objekte 2 katëshe, 4 tre katëshe dhe 12 nje katëshe.
Objektet e tjera janë ne proces dhe do te prishen të gjitha brënda ditës së sotme.
