“Krisma armësh dhe dikush që vrapon”. Raportohet se në Lezhë, në vendin e quajtur nënstacioni elektrik janë dëgjuar të shtëna armësh. Nga banorët raportohet se ka pasur shkëmbim zjarri ndërmjet një personi dhe policisë.
Nga informacionet paraprake thuhet se Policia është në ndjekje të një personi me rrezikshmëri të lartë. Megjithatë, pritet që në vijim të jepet një informacion zyrtar mbi çka ka ndodhur.
Policia pasi ka pikasur personin që ishte në kërkim, siç raporton Ballkanweb, ka kërkuar që ai të dorëzohet, ndërkohë që ky i fundit nuk i është bindur urdhrit për të ndaluar. Për ta neutralizuar, një punonjës policie ka qëlluar me armë në ajër, ndërsa personi është arratisur.
