Drejtori i Policisë së Shtetit, Haki Çako ka zhvilluar paraditen e sotme një takim me strukturat e bluve në Elbasan.
Ky takim vjen pas përplasjes së bujshme të disa personave me policinë e Elbasanit, ku një automjet Audi i blinduar goditi tre ditë më parë automjetin që drejtohej nga zv.drejtori i policisë, Gjergj Oshafi.
Menjëherë pas takimit, Forcat Speciale po kryejnë një operacion në të gjithë qytetin e Elbasanit.
Operacioni synon arrestimin e personave me precedent penalë në këtë qytet, ndërsa mësohet se deri më tani janë kryer disa arrestime.
Operacioni shtrihet në disa lagje të qytetit të Elbasanit dhe priten detaje të tjera nga Policia pas përfundimit të tij.
