Moderatorja Ilda Bejleri ka reaguar pas lajmit të publikuar në median online, për aksidentin që ajo ka shkaktuar mesditen e sotme tek ura e Lanës, pranë Drejtorisë së Policisë në Tiranë.
Moderatorja e “Procesit Sportiv”, ka përgënjeshtruar lajmin. Në një instastory ajo shkruan:
“Unë nuk i kuptoj dot këta gazetarët tanë?! Si mund të shpifin për njerëzit kështu!!”.
Në një prononcim për “Dosja.al”, prezantuesja Bejleri shprehet se nuk është aspak e vërtetë që ajo ka aksidentuar dikë, por se bëhet fjalë për një inskenim. Ilda shpjegon më tej se zonja në fjalë është rrëzuar vetë para automjetit të moderatores, dhe se ajo ka ndaluar makinën për ta ndihmuar, por më pas është larguar.
“Një zonjë u rrëzua pranë makinës time. Ndalova për të parë se çfarë kishte, dhe pashë që nuk e kisha prekur fare. Është inskenim, ajo nuk pati asnjë kontakt me mua. Ndalova pak dhe më pas u largova”, shprehet Ilda Bejleri.
