Është zhvilluar ditën e sotme seanca gjyqësore ndaj 3 personave të cilët akuzohen se ishin pjesë e sulmit ndaj policisë në hyrje të tregut Agroushqimor në Elbasan.
Mësohet se Gjykata e Krimeve të Rënda ka shpallur të pafajshëm Suel Çelën. Ndërsa ka dënuar me burg 2 të tjerët: Enea Bekteshi me 6 vite dhe Klement Xhaferrin me 5 vite.
Sulmi ndaj policisë në Elbasan, ja sa vite burg kërkon Prokuroria për Suel Çelën
Të tre personat akuzohen për përfshirjen në ngjarjen e datës 18 shtator 2017. Suel Çela dyshohej se kishte goditur makinën e policisë me makinën e tij, duke vënë në rrezik jetën e zëvendësdrejtorit të qarkut Gjergj Oshafi dhe disa oficerëve të tjerë.
Në atë kohë u publikua edhe një video nga ky incident, e cila shkaktoi një reagim të madh në radhët e strukturave të policisë së Shtetit.
