Italia është përfshirë nga një mot i keq, i cili ka shkaktuar përmbytje në disa zona.
Si pasojë ka mbetur i vdekur një shofer 52-vjeçar nga Liguria, pasi makina e tij u përmbyt nga një vërshim uji për shkak të reshjeve të forta.
Sipas mediave italiane, 52-vjeçari sapo ishte larguar nga aeroporti i Xhenovës dhe po shoqëronte një klient. Ndërsa në Luginën e Formazzës, disa komuna kanë mbetur të izoluara si pasojë e një rrëshqitjeje në një nga rrugët kryesore.
Ndërkohë, shërbimi zjarrfikës shpëtoi një familje të përbërë nga nëna, babai, dy fëmijë të vegjël, gjyshen dhe një grua tjetër, të cilët ishin izoluar si pasojë e rrëshqitjeve.
