Barcelona ka pësuar një natë më parë disfatën më të rëndë në histori, pasi në fazën gjysmëfinale të Champions League nga fitorja 3-0 në ndeshjen e parë u shkatërruar nga Liverpool 4-0 në të dytën. Lionel Messi që ishte udhëheqësi i katalanasve në ndeshjen e parë, nuk u duk askund në fushë në “Anfield”.
Pas ndeshjes ylli argjentinas u është nënshtruar testeve anti-doping dhe ka humbur udhëtimin e kthimit për në Spanjë me shokët. Në momentin që Messi ishte duke kaluar pikën e kontrollit është përballur me një grup tifozës të mërzitur. Kështu bën me dije “Mundo Deportivo”, që publikon edhe videon përkatëse.
Ishte ora 01:00, pas mesnate në Angli, kur kapiteni i skuadrës katalanase ka mbërritur aty, i shoqëruar nga Pepe Costa, njeriu që e shoqëron kudo yllin argjentinas.
La cara de Leo Messi al pasar por la zona mixta de Anfield. @ellarguero pic.twitter.com/NVrz8DG8Zm
— Adrià Albets (@AdriaAlbets) May 7, 2019
Leo, tejet i zhgënjyer nga eliminimi, duke dëgjuar edhe disa fyerje, u kthye i irrituar drejt tyre. Pepe Costa, i ngarkuar për ta pasur nën kontroll pesë herë fituesin e “Topit të Artë”, ndërhyri dhe e qetësoi, në mënyrë që “fërkimi” të mos ishte më i madh. Paralelisht, një grup tjetër tifozësh, në numër të reduktuar, gjithashtu, doli në mbrojtje të Messit dhe e duartrokiti atë.
https://youtu.be/8lC5H4TEcQs
