Në studion e “Ftesë në 5”, aktorja Rudina Dembacaj ka treguar historinë sesi vajza e saj e vogël ishte dhunuar në kopsht nga një tjetër i mitur.
Në rrëfimin e saj, Rudina ka treguar se edukatorja e kopshtit privat ku ajo kishte çuar të bijën 2 vjeç e gjysmë, nuk kishte reaguar, por kishte qëndruar në telefon. Ajo tha më tej se edukatorja u pushua nga puna, dhe se çdo gjë ishte verifikuar nga kamerat e kopshtit.
“Vajza i tregoi të atit se e kishte goditur një djalë tek kopshti. Na tregoi vetë. Ne kërkuan kamerat, sepse askush nuk na tregoi asgjë.
Zbuluam nga kamerat, që u kujdesën të gjithë që unë mos t’i shoh, se djali i binte vajzës për një minutë rrjesht. Edukatorja ishte aty përballë, por me telefon në dorë dhe fëmijët rriheshin. Edukatorja u hoq nga puna. Veç mos ta shoh në rrugë. Mora vesh se ishte edhe nënë vetë. Unë tek vajza nuk mbaj. Unë paguaj që ajo të edukohet, dhe që dikush të kujdeset për të”, tha aktorja.
