Në Maqedoninë e Veriut është rritur ndjeshëm numri i të infektuarve me koronavirus.
Brenda 24 orëve janë regjistruar 72 raste të reja, duke e çuar numrin total të të prekurve në 555.
Autoritetet përkatëse njoftojnë se edhe numri i viktimave është rritur.
Deri më tani në MV koronavirusi ka marrë 18 jetë njerëzish.
Raportohet se në 24 orët e fundit dy persona kanë ndërruar jetë, një 56-vjeçar nga Kumanova dhe një 63-vjeçar nga Llabunishta e Strugës.
Vlen të theksohet fakti se sot Maqedonia e Veriut ka regjistruar numrin më të madh të të infektuarve me koronavirus që nga paraqitja e sëmundjes, COVID-19 në këtë shtet.
Gjendja më e rëndë paraqitet në Shkup me 235 të infektuar dhe Kumanovë me 114 e cila që nga e premtja është në izolim.
