Në Kosovë situata epidemiologjike po tregon sinjale të përkeqësimit, pasi të mërkurën (28 tetor) janë konfirmuar 281 të infektuar me koronavirus.
Sipas njoftimit të Institutit Kombëtar të Shëndetësisë Publike rezultatet janë në bazë 932 mostrave të testuara.
Nga koronavirusi, kanë vdekur edhe katër persona, ndërsa raste aktive aktualisht janë 2.658.
Autoritetet shëndetësore kanë konfirmuar si të shëruar edhe 97 pacientë.
Deri më tani në Kosovë janë infektuar 18.626 persona, prej të cilëve 673 kanë vdekur ndërsa 15.295 janë shëruar.
