Kreu i Partisë Demokratike ka dhënë një deklaratë për mediet, pas përjashtimit të deputetit Noka nga seanca e sotme.
Basha dha versionin e tij të ngjarjes së sotme, teksa tha se kryeministri përdori fjalë prej rrugaçi ndaj deputetëve të opozitës.
Pas kësaj, tha Basha, Noka kërkoi fjalën për procedurë për të kërkuar përjashtimin e Ramës nga seanca, por Ruçi e shkeli rregulloren me urdhër të Ramës.
FJALA E BASHËS:
Edi Rama përdorte fjalor të ndyrë, jo ato që thoni ju. Ka një mungesë të theksuar të transparencës të medias që raportojnë. Përdori fjalë prej rrugaçi dhe për këtë deputeti i opozitës kërkoi fjalën në procedurë për të paralajmëruar Ramën për fjalorin që përdori.
Gjithçka tjetër është sajesë, ata nuk duan debat, kanë frikë nga debati.
Opozita ka detyrën e parë të thotë fjalën e saj, është koha për t’ju thënë qytetarëve që të zgjohen, nuk është rastësi që tritoli dhe kallashi marrin jetë njerëzish, kjo është pasojë e bashkëpunimit të Ramës me krimin. Kontrollin e ka krimi, ne kemi fakte konkrete.
Opozita ka vetëm fjalën, do luftojmë me çdo mjet. Noka nuk ka shkelur rregulloren, rregulloren e ka shkelur Gramoz Ruci me urdhër të Edi Ramës.
Fjalën që e ka thënë jepeni ashtu siç e ka thënë. Noka u çua për të kërkuar zbatimin rregullores.
Këto janë faktet. Ata kanë frikë nga ballafaqimi me shqiptarët për të vërtetën e tmerrshme./ Tirana Today
