Prova të reja mbi dosjen e “Habiljave-Tahiri”. Në materialin e ri audio dëgjohen Habilajt ndërsa flasin vazhdimisht për Tahirin, dhe në një pjesë të bisedës, pavarësisht afërsisë, Sabaudian Çelaj i thotë Moisi Habilajt se ka frikë se ‘nipçja’ mund t’ua nxjerrë emrin. Në audion e botuar nga Politiko.al, Moisi Habilaj i përgjigjet bashkëbiseduesit me një kërcënim tipik mafioz, duke thënë se sa të dalë nga burgu do ta ketë gati përgjigjen.
Pjesa (I) e bisedës së zbardhur ku trafikantët flasin për frikën se Tahiri mund t’i nxjerrë një ditë.
…Ai do na duhet ne, po është tip i thartë ai, është tip i lig ai nipçja.
Moisiu: Le të jetë tip i lig ai. Me ne s’ma mer mendja të bëjë tipin e lig.
Sabi: Ore, është puna të mos nxjerrë fjalë pa…Edhe për atë…Mos të nxjerrë emrin…
…(njëri pështyn).
Moisiu: Emrin se nxjerr ai, se sa të dal unë…bythëq….kush e ka shënuar emrin?
Dialogu i zhvilluar mes dy eksponentëve kryesorë të bandës së Habilajve, përveç afrimitetit dhe sigurisë që ndjejnë trafikantët nga prania në qeveri e atij që, herë i drejtohen si ‘kushëri’ e herë si ‘nipçe’, dëshmon edhe frikë. Për thyerjen e ‘kodit të heshtjes’ nga ana e ministrit që ata konsiderojnë bashkëpunëtor, por që mund t’i ‘nxjerrë’ një ditë.
Megjithatë, nën një formë tipike mafioze, Moisi Habilaj tregon se është i gatshëm edhe për një ‘kundërpërgjigje’ kur të dalë nga burgu (audion dëgjoje këtu)
Më datën tre janar është publikuar një audio përgjim i dosjes “Tahiri-Habilaj”. Në materialin audio flitet gjerësisht për makinën e Saimir Tahirit, ministër i Brendshëm në atë kohë, që ‘ndërroi duar’ duke iu kaluar Habilajve. Në disa raste bashkëbiseduesit i referohen Saimirit si ‘ai kushëriri ynë’. Materiali është i veçantë për nga dialogët unike dhe të lejon një pamje të mirë të prapaskenave të grupeve shqiptare të trafikut të drogës dhe lidhjeve të tyre me njerëz me pushtet(laimin e plotë lexoje këtu)
Në muajin tetor të vitit 2017-të në Prokurorinë e Krimeve të Rënda u dorëzua një fashikull me 380 faqe i përbërë nga fakte mbi përfshirjen e zyrtarëve të lartë të policisë së Shtetit mbi trafikun e drogës midis Shqipërisë dhe Italisë. Ndërkohë në total, dosja voluminoze është mbi 1500 faqe, me përgjime dhe prova të ardhura nga hetimi që ka zhvilluar për katër vite me radhë nga Prokuroria e Katanias në Siçili.
Në këtë mënyrë, pala italiane i përgjigjur kërkesës për ndihmë juridike mbi procesin që ka nisur në vendin tonë, ku i akuzuari kryesor është ish-ministri i Brendshëm.
Kjo është dosja e dytë pas asaj të dërguara pak ditë më parë me 416 faqe ku përmendej emri i Tahirit nga vëllezërit Habilaj për shuma në miliona euro që ish-ministri përfitonte në këtë aktivitet të trafikut të drogës midis Shqipërisë dhe Italisë.
Dosja e Moisi Habilajt by Tirana Today on Scribd
