Gazetari gjerman i “Bild”, i cili publikoi një ditë më parë 6 përgjime të reja nga dosja 339/1, ku dëgjohet Astrit Avdylaj me zyrtarë të lartë të PS, mes tyre edhe kreu i Bashkisë së Durrësit, Vangjush Dako, ka thënë se ka ende përgjime të tjera. Gazetari Peter Tiede ka folur në emisionin “Të Paekspozuarit” në News 24, ku ka rrëfyer se ka rënë në kontakt me materialin e publikuar falë kontakteve që ka pasur në Shqipëri.
A e keni të gjithë dosjen në posedim, dhe a do publikoni materiale të tjera? A ka interes lexuesi gjerman për këto?
Peter Tiede: Ka më shumë materiale, nuk do të them tani se sa dhe çfarë. Për ne nga këndvështrimi gjerman, çështja që diskutohet është nga politika e brendshme, se a mund të pranohet një vend si Shqipëria në BE. Nëse hedhim sytë, kuptojmë që në disa pjesë ka bërë progres.
A ka njerëz të niveleve të larta të përfshirë në përgjime, a do ti botoni?
Peter Tiede: Besoj që rastin Tahiri e njihni më mirë se unë. Unë e disponoj dosjen të plotë. Kemi materiale të tjera që do i botojmë.
