Pas publikimit të përgjimeve ku kryebashkiaku Vangjush Dako dëgjohet duke biseduar me grupin kriminal të “Avdylajve” për blerjen e votave në zgjedhjet e vitit 2017, dhjetëra të rinj nga Forumi Rinor i PD, kanë protestuar para Bashkisë së Durrësit.
Gjatë mbrëmjes së sotme, të rinjtë kanë shkallmuar derën e Bashkisë, e më tej e kanë rrethuar me shirita skene krimi. Të rinjtë të irrituar kanë goditur me vezë Bashkinë, kjo në shenjë revolte ndaj kapjes së Bashkisë nga krimi.
Sot, gazeta e njohur gjermane ‘Bild’ publikoi 6 përgjime të reja, që dëshmojnë se zyrtarët socialistë, midis tyre edhe Vangjush Dako, marrin pjesë me krimin në manipulimin e zgjedhjeve të vitit 2017.
