Kryebashkiaku aktual i Durrësit, Vangjush Dako ndodhet në telashe të mëdha, pas publikimeve të audio-përgjimeve, që dëshmojnë qartë ‘kontributin’ e Avdylajve për blerje votash në zgjedhjet e përgjithshme të 2017-ës.
Mediat janë interesuar për një reagim të Dakos, i cili më herët në emisionin “Opinion” deklaroi se ‘i ka duart akullore’ pra të pastra dhe mohoi të ketë bashkëpunuar me grupe kriminale për zgjedhjet.
Por, duket se përgjimet e publikuara nga Bild ‘i kanë mbyllur gojën’ tashmë Dakos, i cili ka preferuar të mos bëjë asnjë koment.
“Nuk kam asnjë koment”, ka thënë shkurt Dako për mediat. Mësohet se kryebashkiaku i Durrësit nuk është paraqitur në ambientet e bashkisë që ai drejton prej rreth 12 vitesh apo 3 mandate.
E PLOTË/ Përgjimet E ZBARDHURA, Bild nxjerr bisedat: Si manipuloi mafia zgjedhjet në Shqipëri
