Një aksident tragjik ka ndodhur gjatë natës në aksin rrugor Milot-Mamurras, ku kanë humbur jetën tre shtetas. Një mjet tip “Toyota” që ishte nisur për në Fushë-Krujë, ka dalë nga rruga në të cilën lëvizte dhe për pasojë ka përfunduar në një kanal me ujë. Kjo ka qenë fatale për personat që ishin në këtë mjet. Fillimisht u raportua për dy të vdekur, e më tej policia raportoi për një të tretë. Bilanci i aksidentit ka shkuar në tre viktima, ku mjeti tip ”Toyota” që po udhëtonte në rrugë, çau bordurën dhe ra në kanalin me ujë. Polumbarët kanë gjetur në kanalin me ujë trupin e pajetë të Nikoll (Dritan) Gjonit. Dy shtetasit e tjerë që u raportuan të vdekur më herët janë Saber Dunga.,45 vjeç, banues në Durrës dhe Urim Pepa, 39 vjeç, banues në Tiranë. Policia po punon për zbardhjen e rrethanave të aksidentit fatal.
Njoftim nga policia:
Kurbin/Informacion paraprak
Në aksin rrugor Milot-Mamurras, mjeti tip “Toyota” ka humbur kontrollin duke dalë nga rruga dhe ka rënë në kanal me ujë, ku për pasojë kanë humbur jetën shtetasit S.D.,45 vjeç, banues në Durrës dhe U.P.,39 vjeç, banues në Tiranë.
Grupi hetimor ndodhet në vendngjarje dhe vijon punën për sqarimin e plotë të shkakut dhe rrethanave të ngjarjes, si dhe shërbimet e Policisë vijojnë kontrollet përgjatë kanalit nëse në automjet ka pasur shtetas të tjerë.
