Krerët e partive të vogla të koalicionit opozitar kanë përfunduar takimin e tyre me presidentin Meta.
Në takim, ata i prezantuan Metës platformën e tyre, duke kërkuar inicimin e një tryeze politike mes mazhorancës dhe opozitës në kuadër të zgjidhjes së krizës politike dhe sigurimit të zgjedhjeve të lira.
Pas takimit, kreu i PR-së Fatmir Mediu tha për mediat se presidenti Meta vlerësoi kërkesën e partive të vogla opozitare, si dhe siguroi se do të ndërmarrë veprimet e veta edhe në diskutim me palët e tjera politike.
“Jemi në një mendje për situatën politike ku ndodhemi. Presidenti ka ndërmarrë edhe iniciativa që zgjedhjet të jenë sa më pluraliste dhe jo të devijojmë nga sjelljet kushtetuese. Vlerësoi kërkesën e partive tona, do të ndërmarrë veprimet e veta edhe në diskutim me palët e tjera politike. Ka nevojë për diskutim me të gjitha palët rreth kësaj çështjeje”, tha ndër të tjera Meta.
