Dita e sotme shënon përfundimin e fazës së parë të regjistrimit në universitete.
Maturantët që janë shpallur fitues, janë paraqitur pranë sekretarive përkatëse për t’u regjistruar, ndërsa në fakultete nuk ka pasur radhë.
Probleme nuk ka pasur as me sistemin e regjistrimit, ndërsa ka maturantë që nuk e kanë kryer ende regjistrimin, në pritje për të fituar degën e preferuar.
Të dhënat e maturantit kalojnë online pas regjistrimit. Procesi është i ndarë në 7 faza 48-orëshe dhe përfundon më 11 shtator.
