Një depo në fshatin Kuqar të bashkisë Patos është përfshirë nga flakët në orën 4:30 të mëngjesit të sotëm.
Bëhet me dije se zjarri ka rënë në banesën e shtetasit Irfan Rrapaj. Fatmirësisht nuk ka pasur lëndime në njerëz por vetëm dëme materiale.
Mësohet se janë shkrumbuar totalisht një makinë dhe magazina me dru dhe pajisje shtëpiake dhe shpendët pula dhe zogj.
Zjarrfikësja e Patosit, Fierit dhe policia janë paraqitur në vendngjarje. Kjo e fundit po heton shkaqet e ngjarjes.
Informacion paraprak
Sot rreth orës 04:30, në fshatin Kuqar, Patos, pranë banesës së shtetasit I. Rr., ka rënë zjarr dhe është djegur depoja ku mbante sende pune shtëpiake dhe makina e tij.
Grupi hetimor po punon për zbardhjen e plotë të kësaj ngjarje dhe shkakun e rënies së zjarrit.
