Tenori italian Andrea Bocelli ka mbajtur një koncert për Festën e Pashkëve në Katedralen e zbrazët të Milanos të dielën.
Performanca e tij ka magjepsur miliona njerëz nga e gjithë bota, të cilët na pamundësi për ta ndjekur “live” për shkak të koronavirusit, e kanë shijuar atë përmes platformave online.
Videoja është publikuar drejtpërdrejt në kanalin e tenorit në YouTube dhe është shikuar më shumë se 23 milionë herë deri më tani.
“Falë muzikës, ne do të bashkojmë miliona duar në gjithë botën, do të përqafojmë këtë puls të plagosur të Tokës”, ka thënë Bocelli.
Kujtojmë se Italia është vendi i prekur më së keqi nga koronavirusi në Evropë, me gati 20,000 të vdekur deri më tani, duke përfshirë mbi 9,000 vdekje në rajonin e Lombardisë.
