Reagon shefja për Politikën e Jashtme Federica Mogherini dhe komisioneri Johanes Hahn pas vendimit të presidentit Maqedonas, George Ivanov për t’i dhënë mandatin për formimin e qeverisë, liderit të LSDM-së, Zoran Zaev.
Mogherini dhe Hahn kanë bërë një deklaratë për mediet duke thënë se përshëndesin vendimin e Ivanov. Dy përfaqësuesit e lartë thonë se vendimi i Ivanov është një hap i rëndësishëm në procesin e formimit të qeverisë. Njëkohësisht ata thanë se ky shpirt konstruktiv të prevalojë që vendi të dalë nga kriza.
“Presim që Zaev të vijojë me zbatimin e marrëveshjes së Përzhinës. Partitë të punojnë së bashku për agjendën euro-atlantike. Bashkimi Evropian është i gatshëm të mbështesë qeverinë e re në zbatimin e reformave”, thanë dy përfaqësuesit e BE-së.
Deklaratës së Mogherinit dhe Hahn i është shtuar edhe eurodeputeti Knut Fleckenstein i cili ndan po të njëjtat mendime me dy kolegët e tij.
