Autoritete greke kanë zbardhur një ngjarje të rëndë, e cila ka ndodhur një vit më parë në lagjen “Peristeri” nis Athinë, raporton thecaller.gr.
Policia ka vënë në pranga një 25-vjeçar shqiptar, identiteti i të cilit nuk është bërë me dije.
Mësohet se 25-vjeçari bashkë me një tjetër shtetas po shqiptar, kishin hyrë në banesën e një 46-vjeçareje greke, e cila ndodhej me të ëmën e saj të moshuar. Për 12 orë, ata i mbajtën peng dy gratë duke u kërkuar që t’u jepnin kursimet e tyre. Madje, nuk u ndalën me kaq, por përdhunuan 46-vjeçaren sistematikisht. Pasi zbuluan se në banesë nuk kishte para, u arratisën duke marrë disa bizhuteri.
Një vit më pas, policia greke ka arrestuar 25-vjeçarin, ndërsa bashkëpunëtori i tij është arratisur në Shqipëri. Mediat greke, duke iu referuar burimeve policore, shkruajnë se ai ndodhet i burgosur në vendin tonë, duke mos treguar identitetin e tij.
