Lidhur me ngjarjen e rëndë ndodhur në Mirditë ditë më parë, ku një e mitur u përdhunua nga 5 persona, pritet që të ekzaminohen celularët e tyre. Rasti i abuzimit seksual me të miturën u zbulua pas denoncimit në polici të vajzës dhe familjarëve të saj, ndërsa u arrestuan Artan Kaçorri, 31 vjeç, Albert Molla,27 vjeç, Ermal Tarazhi, 30 vjeç, Nike Lleshi, 44 vjeç dhe shtetasi i mitur me iniciale A.Gj, 17 vjeç.
Abuzuesit janë të afërm me njëri-tjetrin, banues në fshatin Tarash-Mirditë, të cilëve u është dhënë masa “arrest me burg”. Këta shtetas, kanë kryer marrëdhënie seksuale me dhunë me vajzën 15-vjeçare.
Sakaq, burimet bëjnë me dije se telefoni i 15-vjeçares dhe 5 personave të arrestuar, janë dërguar për ekzaminim të specializuar. Burime nga Prokuroria e Lezhës bëjnë me dije se në aparatin celular të së miturës, janë gjetur biseda dhe mesazhe vetëm të ditës kur është bërë denoncimi, pasi ajo i fshinte në vazhdimësi nga frika e prindërve.
Pritet përgjigja e analizave, që do të vërtetojnë nëse personat e vënë nën akuzë dhe që ndodhen me masë sigurie në burg, kanë abuzuar seksualisht me të miturën në Mirditë. Hetuesit kanë dyshime dhe për të paktën 3 persona të tjerë të përfshirë, por ende nuk ka prova të mjaftueshme. Aktualisht, e mitura e përdhunuar po mbahet në një qendër rehabilitimi në Tiranë.
Të arrestuarit janë nga i njëjti fshat me vajzën e mitur, ndërsa i pari që ka abuzuar me të është 32-vjeçari Artan Kaçorri. Pasi ka abuzuar seksualisht, ai kishte bërë video e foto intime, të cilat më pas ua ka shpërndarë edhe 4 personave të tjerë, mes të cilëve dhe nipit të tij 17-vjeçar. Përmes shantazhit me video dhe foto, 5 personat kanë arritur ta shantazhojnë të miturën, duke kryer marrëdhënie seksuale disa herë.
