Familjet e 5 abuzuesve u kanë ushtruar presione të vazhdueshme familjes së vajzës së abuzuar në Mirditë. Këtë detaj e ka bërë publik vetë i ati i vajzës së mitur.
Babai i vajzës ka treguar në studion e emisionit “Me Zemër të Hapur” se familja pas ngjarjes së rëndë, ka pasur presione nga familja e 5 të arrestuarve. Sipas tij, ka edhe 3 persona të tjerë që janë përfshirë në këtë ngjarje, ndërsa shtoi se emrat e tyre i ka edhe policia ndërsa lëvizin të lirë në fshat.
“Jemi të tronditur, veç personave të arrestuar janë edhe të tjerë të cilët duhet të thirren nga policia. Janë edhe 3 të tjerë, policia i ka emrat, këta janë në gjendje të lirë në fshat.
Kemi disa ditë që po na bëhet presion, shteti e di, duhet të veproj. Shkolla nuk na ka pohuar asgjë, ka pasur psikologe shkolla, por ne nuk kemi pasur asnjë komunikim me të. Babai i 31-vjeçarit ka akuzuar se vajza ka qenë e lidhur me 17-vjeçarin, ka gënjyer dhe nuk kanë çfarë justifikojnë. Kanë akuzuar vajzën për një lidhje me 17-vjeçarin por kjo është gënjeshtër, pasi duan të mbulojnë veprimet e tyre. Kërkoj nga shteti të jepet drejtësia”, tha ai.
