Tri vajza të reja nga Shqipëria kanë shkuar në Gjermani. Ato do të trajnohen për një periudhë 3-vjeçare për infermiere. Vajzat do të trajnohen në Caritasverband Ahaus-Vreden.
Me kontratën e trajnimit në xhep, ata pas 23-orësh udhëtim kanë mbërritur në Heek. E veshur me kostum Adidas, ngjyrë rozë me të zezë, njëra prej dallonte nga shoqet e saj. Ajo ka një theks në të folur ndryshe nga dy shqiptaret e tjera dhe është pak e turpshme. Në sytë e saj dallohej gëzimi.
“Çdo gjë është kaq e pastër”, thotë Artemisia 18-vjeçare. Vendlindja e saj është Pogradeci, një qytet me 20,000 banorë. Aty ndodhet edhe liqeni i Ohrit, një atraksion turistik në Shqipëri, ku të rinjtë janë të pashpresë, raporton wn.de.
Papunësia e lartë, infrastruktura e shkretë e bëjnë qytetin të humbur. “Nuk ka shumë mundësi, cilësia e jetës është e ulët”, ka thënë Artemisia. Vajza e flet pastër gjuhën gjermane.
“Njerëzit gjithmonë janë duke kërkuar për një të ardhme më të mirë”, thonë vajzat, duke buzëqeshur. Dhe ata besojnë se një të ardhme më të mirë do ta gjejnë në Heek, Gjermani.
Të tre vajzat e reja vijnë nga familje me traditë myslimane. “Por ne nuk mbajmë shami”, kanë thanë ata. Në përgjithësi, Artemisa dhe familja e saj nuk janë të fiksuar pas fesë, janë të arsimuar në mënyrë strikte.
Vajzat do punojnë si fillim në një azil të pleqsh, por nuk e kanë problem. Për këtë punë vajzat kanë folur edhe me prindërit e tyre.
“Prindërit tanë e dinë se jemi në rrugën për një të ardhme më të mirë”, kanë thënë vajzat.
Por pse vajzat duan të trajnohen si kujdestare për të moshuarit?
“Për në është rëndësishme që të ndihmojmë të tjerët, ne gjithashtu mësojmë shumë gjëra të tjera”, janë shprehur ato. Sipas tyre të moshuarit në Shqipëri trajtohen në një mënyrë ndryshe. “Në Shqipëri, për të moshuarit, si rregull, kujdesen familjet, lagja, miqtë etj”, kanë thënë vajzat.
Uëe Bröcker nga qendra Caritasverband Ahaus-Vreden, thotë se është i kënaqur dhe dëshiron t’i fitojë vajzat e reja për trajnim. Bröcker është gjithashtu i bindur se ata mund të gjejnë veten e tyre.
Duke pasur parasysh mungesën e stafit me infermiere, Ministri Federal i Shëndetësisë Jens Spahn (CDU) kishte filluar një iniciativë për të rekrutuar infermierë nga Shqipëria dhe Kosova. Caritas në vend ishte më i shpejtë dhe tashmë ka filluar./TIRANA TODAY/
