Presidenti i Kosovës, Hashim Thaçi, do të intervistohet sot për të tretën ditë radhazi në zyrën e Prokurorisë së Specializuar në Hagë.
Pas intervistës së parë ditën e hënë, Thaçi tregoi se ishin diskutuar “çështje sqaruese, teknike” dhe për interesimin e prokurorëve për Ushtrinë Çlirimtare të Kosovës”.
Ndërsa ditën e djeshme, Thaçi nuk është deklaruar për media. Aktakuza e paraqitur ka kaluar tani në duart e gjykatësit të procedurës paraprake, i cili ka maksimum gjashtë muaj kohë, nga muaji prill, për ta konfirmuar ose hedhur poshtë.
Thaçi ka thënë më herët se do të japë dorëheqje nga posti i presidentit, nëse aktakuza kundër tij konfirmohet.
