Behgjet Pacolli ka thyer heshtjen dhe ka folur në lidhje me incidentin që ka ndodhur me avionin e tij privat. Dy ditë më parë, avioni privat i zëvendëskryeministrit dhe ministrit të Jashtëm, Behgjet Pacolli, gati sa nuk përfundoi në Serbi, ndonëse brenda tij udhëtonin krerët më të lartë të shtetit të Kosovës, me destinacion Brukselin.
Pacolli ka konfirmuar se në lidhje me këtë rast, ka nisur një hetim.
“Në moment unë e kam dëgjuar pilotin duke folur me Beogradin, dhe në moment i kam thënë ndalu dhe kthehu prapa.
Diku kemi qenë nja 15 minuta fluturim në drejtim të Beogradit. Duhet të ketë qenë një gabim dhe kam kërkuar një hetim që tashmë ka filluar”, ka deklaruar Pacolli mbrëmë në Interaktiv të KTV-së.
Pacolli ka treguar edhe për mënyrën e kthimit të avionit. Ai ka pranuar hapur se është gënjyer, në mënyrë që avioni të kthehet pas.
“Bile bile se duhet m’u dhanë një arsyetim për kthim dhe është dashur me thanë se dikush prej pasagjerëve është sëmurë”, ka deklaruar Pacolli.
