Dhjetëra qytetarë kanë marshuar sot në sheshin Skënderbej dhe në Kodrat e Liqenit në formë proteste, për t’i thënë stop dhunës ndaj të miturve.
Protesta me moton “Për Fëmijërinë e Vjedhur” ka për qëllim reagimin e shtetit dhe forcimin e dënimit për abuzuesit.
Mes protestuesve ishin edhe figura të njohura publike, artistë, gazetarë, politikanë dhe përfaqësues të shoqërisë civile.
Tashmë kjo protestë ka marrë një tjetër rrjedhë, teksa protestuesit po marshojnë drejt Ministrisë së Arsimit.
Me pankarta e thirrje “Ministria e Turpit”, protestuesit janë zhvendosur para godinës së kësaj ministrie.
Ky marshim vjen pas ngjarjes së rëndë që u zbulua në Babrru, teksa një 15-vjecare ishte abuzuar vazhdimisht nga roja i shkollës së saj.
