Skënderbeu ka marrë një vendim të madh për të ardhurat që klubi do të sigurojë nga ndeshja e kësaj jave me Tiranën. Të gjitha paratë do të shkojnë në ndihmë të lojtarit 17-vjeçar të ekipeve zinxhir të korçarëve, Dorian Tahirllari.
Ky i fundit është duke u përballur me një sëmundje të rëndë, pasi është diagnostikuar me tumor në rruazat kurrizore dhe në stomak. Këtë njoftim e ka bërë vetë skuadra e Skëderbeut me anë të një postimi në faqen zyrtare në Facebook.
Postimi i klubit të Skënderbeut:
#përDorianin
Të dashur tifozë dhe sportdashës bardhekuq ju informojmë se të ardhurat nga ndeshja e radhës ndaj Tiranës, e cila do të zhvillohet nesër, ora 18:00 do të shkojnë për Dorianin.
Dorian Tahirllari është 17 vjeç dhe pjesë e ekipit Under17. Doriani është diagnostikuar me Tumor në rruazat kurrizore dhe në stomak.
KF Skënderbeu ka vendosur që të gjitha të ardhurat e mbledhura nga biletat e ndeshjes ndaj Tiranës të shkojnë për kurimin e Dorianit.
Nesër, një arsye më shumë për të qënë i pranishëm në mbështetje të ujqërve.
#meDorianin
#përDorianin
