Finalizohet me sukses operacioni i koduar “Transportuesi”, në Peqin, si pasojë e të cilit janë arrestuar në flagrancë 4 persona. Këta të fundit po transportonin 65 kg marijuanë me një automjet tip X5 me targa AA 006 KY.
Sipas njoftimit të policisë, të arrestuarit janë shtetasit Asllan Muka, 38 vjeç banues në Shijak, Fidel Osma, 23 vjeç banues në Durrës, Amarildo Braçe, 29 vjeç banues në Durrës, Mario Hoxholli, 23 vjeç banues në Durrës.
Arrestimi i tyre u bë pasi, gjatë kontrollit të ushtruar në automjetin BMË X5 me targa AA 006 KY drejtuar nga shtetasi Asllan Muka, në fshatin Lolaj të Bashkisë Peqin, u gjet dhe u sekuestrua një sasi e konsiderueshme lënde narkotike e dyshuar Cannabis Sativa.
Grupi hetimor sekuestroi në cilësinë e provës materiale: 65 kg lëndë narkotike e dyshuar “Cannabis Sativa”, dy automjete, 5 aparate celularë të markave të ndryshme dhe 2670 Euro.
