Një borxh i vjetër prej 15 mijë euro që i vëllai iu kishte 3 personave me origjinë nga Kukësi, ka qenë shkaku i ngjarjes së një dite më parë ku efektivi Ndue Ndoj një ditë më parë u tentua të merrej peng. Ngjarja ndodhi mëngjesin e së martës pranë Akademisë së Sigurisë në Sauk.
25-vjeçari Ndoj ka deklaruar se nuk i njehte agresorët ndërsa në pritë e nxori kolegu i tij që mbeti i plagosur, Ervis Murati. Efektivi është shprehur se, duke i drejtuar pistoletën në kokë, autorët i kanë kërkuar të hipte në makinën që e priste te dera e lokalit, pranë, Akademisë Sigurisë.
Dyshohet se, personi që kishte dalë garant për të nxjerrë Ndojin në pritë ishte kolegu i tij i kursit të vitit të parë për gradën nënkomisar Ervis Murati. Efektivi ka rrëfyer se ka qenë Murati që e kishte thirrur nga kafeneja, ku 25-vjecari po konsumonte me tre kolegë të tjerë të kursit,
Ndërkohë, Ervis Murati mbeti i plagosur me një plumb në bark dhe ndodhet jashtë rrezikut për jetën në spitalin e Traumës, shkruan opinion.
Gjatë kohës që pengmarrësi i ka kërkuar të futej në makinë, efektivi i është bindur autorëve, por më pas Ndoj ia ka rrëmbyer nga dora armën e zjarrit duke plagosur Muratin. Efektivi është shprehur se nuk e ka dashur të qëlloj 27-vjeçarin, por arma është shkrepur në mënyrë të pavullnetshme.
I vetëdorëzuari Ndoj ka pohuar se pengmarrësit nuk i njeh dhe nuk ka pasur konflikte të mëparshme me ata. Ndërkohë, i plagosuri Murati edhe pse është tentuar të merret në pyetje të Shërbimi për Çështjet e Brendshme dhe Ankesave nuk ka pranuar të flas për ngjarjen, duke kërkuar që sqarimet e tij ti jap në një moment të dytë.
