Ngacmimet seksuale dhe përdhunimet, për fat të keq janë kthyer në një fenomen shqetësues në vendin tonë. Pak ditë më parë u publikua rasti i përdhunimit të një 13-vjeçareje në Pogradec. 46 vjeçari abuzoi seksualisht për më shumë se 1 muaj me një vajzë 13-vjeçare.
E ndërsa dje, një person ka kryer veprime të turpshme ndaj një vajze të mitur, në shkallët e një pallati në zonën e Qesarakës. Ka qenë nëna e vajzës, e cila ka denoncuar në polici personin në fjalë, i cili ka kryer veprime të turpshme dhe ka kërkuar favore seksuale ndaj të miturës.
Mesohet se mitura është hutuar kur është gjendur pranë të panjohurit, i cili e ka prekur në vendet intime. Në ato momente ka pasur lëvizje në shkallët e pallatit, dhe personi është larguar. Vajza më pas i ka rrëfyer të ëmës ngjarjen. “Më preku në vendet intime”, i ka thënë vajza nënës së saj.
E mitura është pyetur në prani të psikologëve. Policia ka nisur hetimet, dhe nëpërmjet kamerave të sigurisë të zonës po punohet për identifikimin dhe kapjen e autorit.
