Përdhunimi i 15-vjeçares nga roja i shkollës dhe tre të rinj në Tiranë ka tronditur opinionin publik.
Shumë qytetarë janë revoltuar nga kjo ngjarje e pakëndshme dhe disa prej tyre nuk kanë nguruar që të reagojnë përmes mesazheve në mure.
“Ti nuk ke faj; Pedofilët e kanë vendin në burg jo në shkollë; Mësues mos hesht para përdhunimit”, këto parulla janë parë në muret e Shkollës “Çajupi”, në Ministrinë e Arsimit, në shkollën “Ali Demi”, në shkollën “Sami Frashëri”, “Ismail Qemali” dhe në ish-zonën e Kombinatit në Tiranë, shkruan “abcnews.al”.
