Partia Drejtësi, Integrim dhe Unitet ka reaguar pas konferencës për shtyp midis kryeministrit Edi Rama, dhe Ministrit të Jashtëm grek, Nikos Dendias.
Sipas kësaj force politike, Rama nuk i shpëton dot Çamërisë me fjalët “efkaristo” dhe “ejvallah” që përdori në konferencë.
Në reagim, thuhet se dhuna e paprecedentë, ndalimi i tubimit dhe shoqërimi në komisariat i 26 protestuesve të PDIU-së dhe Shoqatës “Çamëria” tregoi edhe njëherë që Qeveria ndjek axhendën greke dhe jo atë shqiptare.
PDIU i bën thirrje policisë politike të lirojë menjëhërë 26 protestuesit, të cilët morën pjesë në tubim.
Reagimi i PDIU në Facebook
Edi Rama e nisi si kalorës i Çamërisë dhe përfundoi Kali i Trojës së Greqisë
Kryeministri nuk i shpëton dot Çamërisë me “efkaristo” dhe “ejvallah”
Çamërinë nuk e zhbën dot dhuna policore ndaj lironi 26 anëtarët e shoqatës “Çamëria”
Dhuna e paprecedentë, ndalimi i tubimit dhe shoqërimi në komisariat i 26 protestuesve të PDIU-së dhe Shoqatës “Çamëria” tregoi edhe njëherë që Qeveria ndjek axhendën greke dhe jo atë shqiptare.
Vizita e ministrit të jashtëm grek në Tiranë, Nikos Dendias nuk mund të heqë Çamërinë nga axhenda shqiptare.
Shqiptarët e Çamërisë kanë 76- vjet që protestojnë ndaj genocidit më të ashpër në ballkan, ku forcat Zerviste vranë dhe masakrauan një popullsi të tërë.
Absurdi i sjelljes së policisë politike për të ndaluar protestën e sotme, na kujton dhunën e ushtruar të vitit 2004, kur burra pleq u gjakosën në dyert e parlamentit shqiptar, për rezolutën e çështjes çame.
Ne nuk na ndal dot askush në betejën tonë që shteti shqiptar të sillet me Greqinë me dinjitet, reciprocitet dhe dije.
Askush nuk mund të ndalë kërkesat tona të kahershme për zgjidhjen e çështjes çame, heqjen e ligjit të luftës, mosfaljen e asnjë cm2 tokë e det të shqiptarëve, mosbërjen e një censusi antishqiptar.
Kryeministri i Shqipërisë, Edi Rama e nisi mandatin e tij si kalorës i Çamërisë dhe e përfundoi Kali i Trojës së Greqisë.
Atë nuk e shpëtojnë nga Çamëria, as fjalët e tij në greqisht apo turqisht, as ylli komunist. Ai sot duhet të ishte shqiptar dhe vetëm si shqiptar mungoi.
Ne i bëjmë thirrje policisë politike të lirojë menjëhërë 26 protestuesit, të cilët sot tubuan për interesin kombëtar të Shqipërisë.
https://www.facebook.com/pdiu.al/posts/3647125641993805
