Marrëveshja politike PS- PD duket se nuk i ka ulur akuzat dhe kundër akuzat mes dy partive të mëdha në vend. Mëngjesin e sotëm kryeministri Rama nga Korça u shpreh se PD nuk mund të bëjë shtet sepse ka mangësi të mëdha.
Pasi kaluan disa orë erdhi përgjigja nga kampi demokrat. Në një deklaratë për shtyp opozita akuzon Ramën për premtimet e pambajtura ndaj fermerëve dhe çmimet e larta në sektorin e bujqësisë.
‘Në 4 vite, Edi Rama nuk bëri asnjë investim në infrastrukturë dhe mijëra hektarë u përmbytën rregullisht duke sjellë pasoja katastrofike për prodhimin e fermerëve. Në 4 vite, numri i përfitueseve nga skema e subvencionit është ulur mbi 5 herë. Përfituan çdo vit vetëm 14 tregtare, klientë të qeverisë që morën mbi 70% të buxhetit të bujqësisë. Çmimet për imputet bujqësore u rritën deri në 30%. Çmimi i naftës u rrit me 30 përqind.’
Në fund të deklaratës Partia Demokratike nuk harron të përmendë edhe planet për Republikën e Re.
