Sekretari për Çështjet Zgjedhore në PD, Ivi Kaso përgënjeshtron rezultatin që KQZ ka nxjerrë deri më tani, sa i përket numrit të votuesve.
Në një deklaratë për mediat, Kaso deklaroi se shifra që raportoi KQZ në orën 11 nuk ishte në të vërtetë 12% por vetëm 6%. Ndërsa, sa i përket rezultatit të numrit të votuesve deri në orën15:00 që KQZ e konfirmoi si 15,5%, Kaso deklaron se kjo përqindje është më e vogël, vetëm 10%.
Ai vazhdoi më tej duke e cilësuar KQZ-në si një instrument në duart e kryeministrit Rama, i cili kërkon zgjedhje monopartiake. Kaso, i cilëson këto si votime të hapura dhe sipas tij, arsyeja e këtyre numrave farsë, të deklaruara nga KQZ vjen sepse votuesit votojnë disa herë dhe në grupe.
