Sekretari për çështjet zgjedhore ne Partinë Demokratike, Ivi Kaso, ka paralajmëruar në studion e ‘Mbrëmje në ABC News’, se së shpejti do të publikohen edhe dy raste të tjera të kandidatëve socialistë për kryebashkiakë me të shkuar kriminale. Ai ka konfirmuar se kanë të dhëna, dhe se të gjitha këto të dhëna do ti publikojnë shumë shpejt.
“Janë dhe dy raste të tjerë që do dalin ditë pas dite. Kemi të dhëna dhe do t’i publikojmë shumë shpejt”, tha ai.
Duke folur për reformën zgjedhore, Kaso u shpreh se zgjedhjet nuk janë çështje standardesh, por janë vullnet politik. Ndodhur në këto kushte, sipas tij, Rama është detyruar që të kandidojë individë me të shkuar kriminale.
“Qëndrimi ynë për fat të keq për standardet e demokracisë na dha të drejtë, ku raporti i ODIHR-it thotë që baza ligjore do mund të përbënte një bazë ligjore të mjaftueshme, nëse kjo kornizë ligjore do zbatohej me përpikmëri. Ç’ka do të thotë se zgjedhjet nuk janë çështje standardesh, janë vullnet politik i cili e ka detyruar Ramën që të kandidatojë individë me të shkuar kriminale”.
