Selia e Partisë Demokratike ka njoftuar një konferencë të rëndësishme për mediat në orën 12:00, ditën e sotme.
Sipas informacioneve paraprake, sekretari i Përgjithshëm i PD-së, Gazment Bardhi do jetë ai që do të dalë në një deklaratë dhe pritet që të publikojë dokumentet që sipas demokratëve, implikojnë Agim Kajmakun për një të shkuar kriminale në Greqi.
Po ashtu, të njëjtin paralajmërim ka bërë edhe Zëri i Amerikës, duke theksuar se për Agim Kajmakun ka një dosje të hapur penale më drejtësinë greke.
Sipas letrës që çoi në Prokurori, PD këmbëngul që Agim Kajmaku është arrestuar në Greqi me emrin Jorgo Toto, por ai e ka fshehur këtë fakt në formularin e dekriminalizimit, prandaj duhet të largohet nga detyra.
Ky pritet të jetë rasti i dytë që PD gjen prova për të shkuar kriminale të socialistëve, pasi vetëm para ca ditësh ishte Valdrin Pjetri, ai i cili dha dorëheqjen si pasojë e publikimit të dokumenteve të dënimit në Itali.
