Një ditë pas atentatit ndaj prokurorit Arjan Ndoj, ish-deputeti i PD-së, Ervin Salianji, ka sjellë në fokus një denoncim të bërë prej tij kohë më parë. Ai shkruan se njëri prej personave që mbeti i plagosur në këtë atentat, Pëllumb Muharremi, i njohur ndryshe edhe si ‘Rrumi’, ka ndihmuar Ramën në fushatë.
Salianji ka nxjerrë fakte tronditëse, ndërsa thekson se “Rrumi” jo vetëm që nuk arrestohej, por kontrollon zona influence në administratën publike. Ish-deputeti nënvizon ndër të tjera se sot konflikti ështē mes bandave që mbështesin Ramën.
Ai kujton se në vitin 2015, kanë denoncuar Pëllumb Muharremin dhe Bert dhe Gëzim Hoxhën, se kërcënonin me armë mbeshtetës të PD. Salianji shton më tej se ata shkuan deri aty sa kërcënuan me jetë çdo përfaqësues të PD në Komisione, duke lënë bosh shumicën e komisioneve në ish Bashkinë Sukth. Në vazhdën e denoncimeve, ai deklaron se pas zgjedhjeve, në formë shpërblyese Bert Hoxha u emërua administrator i Njësisë Sukth.
Statusi
Autoriteti i shtetit është vënë përfund nga lidhjet e qeverisë Rama me krimin e organizuar. Nuk ka ngjarje kriminale që mos të ketë të përfshirë individe me rekorde të rënda kriminale dhe mafioze që janë përdorur në fushatë nga Rama. Më kujtohet se si ky “Rrumi” që sot trumbetohet me të madhe nga mediat pranë PS si person me rekorde të tmerrshme jo vetëm që nuk arrestohej por kontrollon zona influence në administrate publike.
Parimi është i qartë: ndihmo Ramën në fushatë dhe kontrollo më pas administratën publike, asetet, burimet natyrore dhe trajtimin e popullsisë si skllevër.
Sot konflikti ështē mes bandave që mbeshtesin Ramën dhe kur qeveria behet palë me njërën tjetra ka guxim dhe të kërkoje eleminim fizik!
Në 2015 denoncuam me emër dhe mbiemër “Rrumi” allias Land/Pellumb Muharremi dhe Bert dhe Gezim Hoxha, te tre ne krye te nje strukture kërcenonin me armë mbeshtetës të Partisë Demokratike dhe shkuan deri aty sa kërcenuan me jetē çdo përfaqesues te PD ne komisione duke lene bosh shumicen e komisioneve në ish Bashkinë Sukth! Ne i denoncuam ne fushatë, policia i mori në mbrojtje dhe pavaresisht urdherit te arrestit te leshuar nga prokuroria ata vazhduan te qete fushaten kercenuese! Pas zgjedhjeve si shperblim Bert Hoxha u emerua administrator i Njesise Sukth si shperblim për vjedhjen e votave!
Prandaj ështē imediate ndeshkimi i gangestereve me pushtet, se ska asnje rruge tjeter per te shkeputur lidhjet e politikes me krimin!
Prandaj gangesteret marrin guximin të ngrenë doren ndaj punonjësve publikë!
Ne nuk i harrojmë, me forcën e ligjit do ti shtypim bandat dhe mafian që po i pijnë gjakun Shqipërisë dhe po e bejnë të pabanueshme për qytetarët!
