I dërguari i SHBA-së për Ballkanin Perëndimor, Gabriel Escobar ka komentuar për median greke “To Vima”, zhvillimet politike që po ndodhin në PD. Sipas Escobar, PD-ja, por edhe populli shqiptar duhet të refuzojnë të shkuarën (referuar Berishës), dhe të shikojnë nga e ardhmja. Ai tha se mbetet me shpresë për të mos u rikthyer ditët e këqija, ku korrupsioni karakterizonte pikëpamjen e shumë njerëzve në rajon për Shqipërinë.
“Ne kemi një marrëdhënie shumë të mirë me PD-në. Një demokraci e fortë ka nevojë për një opozitë të fortë.
Është e trishtueshme ajo që i ndodhi PD në këtë moment. Shpresoj që anëtarët e PD-së dhe populli shqiptar të refuzojnë të kaluarën, dhe të shikojnë nga e ardhmja.
Shpresoj që ajo që ndodhi të mos rikthejë ditët e këqija, kur korrupsioni karakterizonte pikëpamjen e shumë njerëzve në rajon për Shqipërinë”, tha ai, duke dalë kundër Sali Berishës, pas shpalljes së tij non-grata nga SHBA-ja.
