Pas mbledhjes së PD-së me strukturat, Basha konfirmoi për mediat se do të angazhohen nesër për protestën që do mbajë Aleanca për Teatrin. Ai theksoi se nësër do të jenë në protestë me Aleancën për Mbrojtjen e Teatrit, ndërsa konfirmoi se ka mobilizuar strukturat.
Sikundër ishte paralajmëruar edhe pak më herët, kryedemokrati tha se janë diskutuar për hapat dhe qëndrimet që do të mbahen në ditët në vijim, për shkak të situatës së krijuar me prishjen e Teatrit Kombëtar.
Basha u shpreh se ka ndarë detyrat e të gjithëve, e nesër pret që të të ketë një pjesëmarrje masive në protestë.
“U bëj thirrje të gjithë qytetarëve që të jemi nesër në protestë, në mbrojte të kulturës, të artit, të trashëgimisë kulturore, pasi sot është bërë një krim i rëndë. Në mbledhjen e sotme janë ndarë detyrat, e të ketë një pejsëmarrje maksimale”, u shpreh Basha.
Nga ana tjetër, ndonëse nuk ishte parashikuar, Kryemadhi ka thirrur një mbledhje urgjente të kryesisë së kësaj partie, në selinë e saj. Burime pranë kësaj force politike raportojnë se do të diskutohet për tubimin e nesërm, të lajmëruar nga Aleanca për Mbrojtjen e Teatrit.
